廣州好吃的地方推薦

　　廣州人會吃，而且嘴很刁，在廣州開餐廳要取悅他們，沒有真功夫是不行的。下面小編給大家推薦幾家廣州好吃的餐廳。

　　1、向群飯店

　　二十餘載老字號街坊飯堂

　　地址：泮塘路D棟E棟***仁威廟對面***

　　向群飯店紮根係西關，係一個有成二十幾年招牌嘅老字號，係城中飲食界亦都頗有地位。以“平、靚、正”住家菜式打招牌嘅小菜館當然就最受老廣們青睞啦。食客中不乏十幾年嘅擁躉，好多街坊們唔想煮飯就會將呢度當成自家飯堂。

　　話晒都係街坊飯堂，咁最受街坊歡迎嘅招牌菜係咩呢?就係呢個招牌蔥油淋雞!入到店內，你幾乎見到每圍臺都有一碟!究竟有幾正?老闆用嘅係清遠洲心雞，皮爽肉滑。淋上滾燙嘅農家花生油，即刻香味四溢，姜蔥嘅鮮美更帶出豐腴嘅雞味，蔥油恰到好處的襯托咗雞肉嘅嫩滑。

　　有雞梗係有鵝啦，呢度嘅豉油皇鵝腸鍋氣十足，濃油赤醬嘅鵝腸卻絲毫唔覺得油膩，口感爽脆，廚師嘅手勢絕不比高階粵菜酒樓嘅差。

　　2、有鳴堂

　　藏在花城廣州地下的一兩面

　　地址：花城匯南區海印都薈城B區15號商鋪

　　有鳴堂，一聽個名就知道有名堂啦!呢個“一兩”講嘅就係正宗嘅成都“一兩面”，“一兩”面系咪真系得一兩嘎?哈哈哈聽個名就燃起咗食唔肥嘅我一次點N份面嘅衝動!份量小巧、款式多樣、10蚊雞出頭嘅一兩面，成都街頭風味十足，實在令我不得不愛啊!

　　一碗正宗嘅成都一兩面，臊子是靈魂所在!各式嘅臊子炒幹後既細膩又香滑，形狀有D似碎渣，但味道卻特別鮮美酥香!

　　臊子味美，再配上從成都調製好運來廣州嘅底醬，7種幹撈麵，7式臊子，7式底醬，每一啖都超級獨特!

　　3、利華飯店

　　日日排隊的老字號只此一家

　　地址：德政中路333號***近農講所地鐵A出口***

　　你問我利華飯店開咗幾多年?嗯....呢個問題連度娘都唔知啊~我就知道日日排晒長隊，一出地鐵口見到排晒大隊果間就係啦!門口D街坊排排坐等位置都就快塞晒條路咯!既然生意咁好，為何“只此一家”呢?或是因為老闆專一?或是利華對"老字號"嘅詮釋就係堅守大本營!

　　點解利華咁多街坊去噶呢?就係因為冰鎮鱔片令到利華紅遍廣州，你話冰鎮鱔片好普遍嘖，係十年前日本料理並未遍地開花嘅年代，芥末醬油也並不常見，呢款冰鎮鱔片則已作為利華的拳頭產品，

　　打遍天下無敵手啦!

　　咪以為一碟河粉好簡單!溼炒齋河好考師傅功力嘎!齋河一丁肉都冇，就難以為河粉加分，最重要噶係”芡漿”!”芡漿”嘅”溼度”先至係最考功夫嘎!

　　4、一起吃小龍蝦

　　吃小龍蝦竟吃出了鮑魚?

　　地址：番禺迎賓路萬博中心商業街192號

　　小龍蝦近年來就出晒名!番禺呢家小龍蝦店，不僅可以堂食，還可外賣!重點係出品嘅小龍蝦，只只都非常生猛，肉質結實，***香辣伴著小龍蝦嘅鮮香，一人嘆足三四斤都食唔停口!

　　一斤足足12只小龍蝦，只只都紅潤光亮，睇到都流晒口水啊!3只六頭鮑擺係食物鏈嘅最頂端!係廣州保證你未食過咁樣嘅小龍蝦佛跳牆!

　　吃小龍蝦吃出鮑魚，太稀奇了有木有!切花的六頭鮑極之入味!一口吃掉一隻健碩嘅鮑魚，鮮美嘅醬汁滲透到鮑魚嘅每一個細胞!

　　太太太銷魂啦!

　　5、雅苑

　　朝天路的富豪貴价飯堂

　　地址：朝天路14號後座2樓

　　雅苑嘅消費唔低，但食客絡繹不絕，實有獨特之處。呢度嘅味道係點?就同雅苑嘅裝潢一樣，雖然貌不起眼，但是吃進去卻叫人驚豔，故無論廣州本地或者外地朋友都愛它。菜有菜味，肉有肉味，吃得暢快，三碟好菜埋單兩百又如何?

　　想穩懷舊風嘅粵菜，係呢度就可以滿足到你，有幾道為獨家出品，係其他地方就好難食到啦。如招牌豉油糖黃花魚，那真是一絕!魚煎得皮脆肉嫩，醬油味道調得剛剛好，炸蒜粒也新鮮，外焦內嫩，甜中帶鮮，食慣咗紅燒或清蒸黃魚嘅人會眼前一亮。

　　姜酒煮腰片也讓人甚為滿意，腰片厚身大片，絲毫不腥，

　　爽嫩中帶著淡淡酒味。