經典的粵語童謠
粵語地區最為經典的童謠,生活在粵語地區的人,對這些童謠可謂耳熟能詳了,以下是小編為你整理的，歡迎大家閱讀。
一
賣懶 賣懶
賣到年三十晚
過左年就大個仔
唔好再學懶羅
靜靜話你知
努力讀書點會遲
發憤圖強懷大志
八十都未遲
二
大西瓜，多好哇 ，個個都想食。
大家分，切開它 ，味道頂呱呱。
唔小心，吞左啦 ，圓圓幾粒核，
誒呀呀。
問媽媽，點算吖? 頭頂長出瓜。
媽媽笑住話 ，長左多瓜食。
由春天到冬天 ，時時有西瓜。
三
月光光，照地堂，蝦仔你乖乖瞓落床。
聽朝阿媽要趕插秧咯，阿爺睇牛要上山坡。
哦哦哦……
蝦仔你快高長大咯，幫手阿爺去睇牛羊。
哦哦哦……
月光光，照地堂，蝦仔你乖乖瞓落床。
聽朝阿爸要捕魚蝦咯，阿嫲織網要織到天光。
哦哦哦……
蝦仔你快高長大咯，撐艇撒網就更在行。
哦哦哦……
月光光，照地堂，蝦仔你乖乖瞓落床。
蝦仔你快啲咪埋眼咯，一覺瞓到大天光。
哦哦哦……